انا تم التحرش بيا فى هذه المنطقة
وانا واقفة عند ميدان الساعة بالتحديد وفى واحد وقف بعربية واعد ينده عليا بأسم غير اسمى ويزعق ويقولى لو ما جتيش تركبى معايا انا هروح اقولك لأمك انك وقفه هنا ويزعق ويقولى تعالى يا نهى بقوليك تعالى بس انا ما كنتش مديالوا اى اهتمام وكأن الكلام مش ليا وانا كنت مستنية خطيبى وكان فى ناس كتير اوى واقفين ومحدش اتكلم خالص ولما خطيبى جه مسكوه واعد يضربوا والناس واقفة تتفرج واخدوا وكان عاوز يروح بيه القسم فالراجل اللى كان عاوزنى اركب غصب عنى مصمم انر اركب معاه علشان اروح القسم فركبت مع خطيبى وهو ركب العربية على اساس اننا هنروح القسم بس طبعا بمجرد ما ركب عربيته فص ملح وداب