at تحرش في شارع البحر, Alexandria, Alexandria (31.199000 29.894380)
امبارح غلطه عمرنا انا و اختي ان التاكسي مرضاش يدخل بينا الشارع عشان زحمه و نزلنا على اول شارع البحر اصل عندنا في اسكندريه تقريبا البنت الي بتمشي على البحر بيبقى مصيرها مجهول او (وحشه و نازله تتعاكس) فهو محرم علينا لدرجه انها بقه عاده ان لما حد يجيب لنا سيره البحر مثلا نمشي عليه او ننزل حتى و نعدي الشارع بيبقى رد الفعل(انتي مجنونه بحر ايه لاء طبعا) ما علينا يعني اضطرينا ننزل اول الشارع و نمشي احنا بمجرد ما نزلنا من التاكسي اتنين ظراف كدة قعدوا يستهبلوا بعدنا عنهم و دخلنا يمين الشارع و هما كانوا مكملين على البحر بس حودوا سنه معانا و قالوا كلمه ما علينا و كملوا مشي انا معرفش جبت القوه دي منين مع اني كنت ماشيه مع اختي الكبيره اديرت ولقيت نفسي بصرخ فيهم لدرجه ان الجانبين بتوع البحر الرايح و الراجع و قفوا و تنحوا و نزلت عليهم بشتايم و زعيق و صويت مش طبيعي لدرجه اني مكنتش حاسه بنفسي و عشان المتحرش حيوان جبان العيال دول بقوا شبه الفار المبلول و مخضوضين و منظرهم بقى زباله و مشينا و سبناهم انا معرفش ازاي عملت كده لدرجه اني بعد ما مشيت زعلت من نفسي اني شتمت بس هي دي الحاجه الوحيده اللي قدرت ادافع بيها عن نفسي معنديش حاجه تانيه.. انا من نوعيه الناس اللي على طول بتهاجم اللي بيقولوا لازم نسافر من البلد دي و دي بلد كذا او كده و بقول لازم نقعد فيها و نصلح بس انا امبارح جالي اكتئاب طول اليوم و اللي نازل عليا
Sorry, you need to be logged in to comment. Log in here.