Incident happened on 14/05/2019 at 5:00PM

at عند السجل المدني, شبين القناطر (30.309630 31.314780)

اطفال صغيرة "سن احداث", فضلو يقولو "ياواد يا بت", اكتر من مرة..
انا روحت القسم, وفضلت اتكلم, واقنعهم ان من حقي القانوني اني متعرضش لده, ف كانو بيحاولو يمشوني بانهم يقولو اجي بعد الفطار, او هاتي اسم العيال دي, لحد ماجه اتنين من القسم معايا, بس اللي كانو بيبيعو على التربيزة, كانو كبار شوية, ولما اللي جه من القسم وجهلهم كلام ع انهم متهمين, بما اني معرفش مين (بس انا قلتلهم ع الاقل انا عارفة المكان, وممكن يحققو مع اللي هناك) وكلموهم بصوت عالي, ومد ايده ع الولد, لما انكر التهم طبعا, جه صاحب محل العصير, اللي كان ع مسافة قريبة, وغضبان, وفضل يقول يعاكسو مين "بقى الولاد دول هيعاكسو دي, وفي اشارة ليا بنوع من التحقير" وكل اما اتكلم, واشرح الموقف واني مش بتهمهم هما وانهم ما عاكسونيش, بس حد من هنا فضل يقول يا واد يابت, كان بيزعق ويعلي صوت اكتر ويغطي على صوتي ويكرر نفس الجملة تاني, ويقول هنعملهم مشاكل مع الحكومة, و الناس اتلمت, وكانو بيقولولي لو حد كلمك, اجي اقله, والموضوع اتقفل, وصاحب المحل, اما لقاني موقفي اتغير وخلاص همشي, حط ايده ع كتف الحد اللي كان جاي معايا من القسم, زي لما اتنين صحاب كده بيتكلمو, والحد اللي كان جاي معايا من القسم, سألني اذا كنت عاوزة توكتوك يوصلني, فقلتله لا شكرًا ومشيت

Add Comment View More Reports
Categories Comments

Comments

Sorry, you need to be logged in to comment. Log in here.