انا كنت ماشيه عادي جدا في الشارع بتفرج على المحلات وقفت اتفرج على فاترينا فيها خواتم و بعدين طلع واحد انا بعدها ماعرفتش اتأكد هو فعلا شغال في المحل ولا لأ , قالي المحل بتاعنا التاني فيه باقي التشكيله ده العادي في المنطقه دي في نفس الشارع, المهم الرجل ده رحت عند المحل فجأة لاقيته دخلني جوه باب عمارة كده و مسكني جامد من إيدي و قالي اطلعي معايا الشقه, فنا بقوله اطلع شقه إيه قالي انت عجباني و عايزك تطلعي معايا الشقه و بدأ يزعق و يشتمني و يقولي انت غبية بقولك عجباني عايزك تطلعي معايا الشقه , حاولت افلت منه ماعرفتش و الشارع كان فاضي مالقتش حد استنجد به المهم راح ماسكني من كتفي و قالي هاتلطعي ولا لأ انا ارتبكت و اتخضيت فعلا وهو عمال بيزعق بشكل مش طبيعي مجنون و يشتم فيا, و في وسط كل ده عمال يسمك عضوه الذكري من فوق الهدوم و يحركه, انا حقيقي كنت محشورة جوه باب العمارة و مش عارفه اطلع منه, انا ماعرفتش اضربه او افلت منه قولته و انا شكيت يكون شارب حاجة لأنه مش معقول إللي بيعمله و الزعيق و الشتيمة قلته طيب ينفع آجي يوم تاني قالي طيب هاتي رقمك اديته اي رقم قالي اسمك إيه قولته اي اسم و بعدين راح مطلع خاتم و قالي ده هدية مني ليكي عشان تيجي قولته لأ طبعا راح مزعق و قالي بقولك خدي الخاتم قولته طيب هو مش مقاسي المره الجايه عشان ابقى اقولك المقاس و فضل ماسكني و بعدين قولته خلاص هامشي و اجي بكره ماشي فين و فين على ما رضي و مشيت و طلعت بره..
انا من القرف مش عارفه اعيط انا حسيت إحساس قذر جدا عشان ماعرفتش اضربه و اتصرف معاه كأني واحده ممكن تقبل ده بس حسيت إنه مجنون او مش مزبوط و اتقرفت جدا منه و صورته مش راضيه تروح عن دماغي و مالقتش بني آدم جنبي أصلا استنجد به حتى و ماعرفش دي عمارته ولا لأ حتى و ماعرفش كان ممكن التصرف الصحيح مع شخص زي ده يكون إيه !!

3 expressions of support.

Express Support

Add Comment View More Reports