at تحرش في ي ميكروباص دمنهور - كوم حمادة, Damnhour, Beheira (31.033330 30.466670)
موقف حصلي .. كنت راكبة ميكروباس و حطيت على رجلي شنطة كبيرة اللي هي بعجل دي علشان ماكنش ليها مكان فةق العربية .. جة واحد قعد جنبي و بعد شوية بيقولي انا دراعي منمل اوي ممكن اسندة ع الشنطة بتاعة حضرتك .. قولتله اتفضل بعدين انا غمضت عنيا " مانمتش " و سندت ع الازاز لاقيته بيمد ايدة على صدري رحا ضارباه بالالم و قولتله يا سافل يا زبالة يا حقير الحقوني بيتحرش بيا والله مد ايدة عليا .. قال البت دي كدابة و شتم شتيمة وحشة و رحت قايلاله انا اشرف منك و من عشرة زيك و جيت ابعده غني لاقيته مسك ايديا الاتنين بقوة فظيييييعة و بيزقني ناحية الشباك بعدين الراجل اللي جنبه راح مبدل معاه المكان .. و هو قعد يقول انتي عايزه يتعمل فيكي كدة و انا قعدت اعيط و هو يقولي اتسهوكي اتسهوكي .. جيت اتصل على ماما الموبايل بتاعي فصل شحن طلبت من اللي جنبي مكالمة و قولت لماما قالتلي هبعتلك اخوكي " أنا بابايا و مامتي منفصلين " المهم هو بقى جه نزل قبل الموقف .. نزلت وراه و سبت الشنة و اللاب في العربية و خربشته في وشه و كعبلته و قعته ع الارض و ضربته برجلي و كنت بضرب فيه بأفترا فعلا و نزلوا الرجالة اللي في الميكروباس اللي بشنبات بيبعدوني عنه بس انا مارتحتش إلا لما لاقيته وشه كله دم أثر خربشتي ليه .. بس بردو انا زعلانة ان هما دول رجالة بلدي لما اصرخ و اصوت في الميكروباس و اقول دة مد ايدة عليا دة اتحرش بيا ولا حد منهم يتهز ولا ينطق و كانوا سامعينه و هو بيقول عليا ان انا عايزه يتعمل فيا كدة !! للعلم انا كنت لابسة فيست طويل لتحت الركبة و واسع و كنت لابسة طرحة علشان الناس اللي هتقول لبسك هو اللي مكانش تمام
كلام دة كان في ميكروباس دمنهور - كوم حمادة و كنا تقريبا على الطريق السريع في إتاي البارود كانت الساعة من 2 العصر ل 4 العصر تقريبا و كان في الصيف اللي فات يعني في شهر 6 اللي فات انا عندي 16 سنة و كنت ساعتها لسا داخلة 2 ثانوي المتحرش كان عنده حوالي 24 - 26 سنة و لو قعدت احكي من هنا للسنة الجاية علشان احكيلك عن المواقف اللي شوفتها و كم الوقاحة فعلا مش الوقت مش هيسيعني طبعا الاغلب هيقول ما انتي اللي لابسة مش عارفة ايه .. اما كنت لابسة فيست اسود واسع لحد تحت الركبة ! و لو كنت لابسة نقاب اؤكدلك انه كان هيعمل كدة بردو
Sorry, you need to be logged in to comment. Log in here.