at No Address, Alexandria, Alexandria (31.198060 29.919170)
كنت جالسة في الكنبة الأخيرة في ميكروباص ماشي على كورنيش اسكندرية. الكنبة زحمة لأننا 4: على يميني بنت وعلى شمالي رجلين. الراجل اللي على شمالي ده بعد فترة ابتديت أحس وكأنه منزل دراعه ناحيتي زيادة, ما يلم نفسه في مكانه يحط دراعاته على حجره ماله واخد راحته بزيادة كده.
فضلت باصة قدامي ولا كأن في حاجة لحسن برضه يكون بيتهيألي أو حتى أعمل كأن مفيش حاجة عشان لو بينت إني شايفة إن في حاجة ممكن يزودها أو حاجة.
فضلت باصة زي التمثال كتير, حتى بقت سانده على البنت اللي جنبي أكتر, وحتى رفعت دراعي وربعت كتفي. لحد ماأخيرًا نزل الشخص المريض ده. وانا كنت شاكة إنه يكون بيتهيألي لكن دلوقتي فكرت إنه لأ ده كده كان بيتعدى على حدود المنطقة الشخصية للشخص اللي جنبه اللي هو أنا.
واي حد يشوف حاجة زي كده لازم يقول بصوت عالي وبكل صارمة: "خليك في مكانك, ابعد عن مكان الأخرين"
لأن لو الواحد عدى مواقف تبدو صغيرة زي دي, والشخص ده يفتكر إنه نجا من غير ما حد يقول له حاجة, يبقى كده احنا بنساعد الظواهر المقرفة دي تتفشي في المجتمع.
Sorry, you need to be logged in to comment. Log in here.