at heliopolis, Cairo, Cairo (30.096440 31.334600)
رحت في التاريخ اللي انا حددته عشان اقدم على وظيفة كان معمولها اعلان في الوسيط و الوظيفة هي سكرتيرة في عيادة دكتور عيون في فترة مسائية و قلت بالمرة اعمل عدسات عشان بتاعتي باظت دخاتني ممرضته في الأول قبل معاد الinterview عشان الكشف الدكتور كان شكله كبير في السن عملي الكشف و أول تعليق ليه ليا انه مش عايزني أحط شنطتي على رجلي عشان هو بيتضايق و ما بيبقاش واخد راحته و في آخر الكشف و دي كانت أول مرة تحصللي اني اروح لدكتور و يصر على انه يلبسني العدسات مع اني قلتله ان بعرف البسها و بستعملها من زمان تاني موقف حصل وقت التقديم للوظيفة انه برضة كان مصر اني مخليش الشنطة على رجلي و اني اقرب الكرسي اللي قاعدة عليه لكرسي مكتبه بعدها مابقاش طالب قرب الكرسي بس لأ دا طالب قربي انا شخصيا مني ليه عشان يوريني شغله على الكمبيوتر ومكان مكتبه ضيق و أنا جسمي يعتبر مليان بعدها حصل قبوله ليا على الوظيفة و بلغ الريسبشنت بتوعه عشان يوروني ايه اللي بيتم في الشغل و أصر اني ممشيش من عنده الا لما ادخله تاني عشان يفهمني طبيعة الشغل بنفسهلاقيتني فضلت قاعدة والوقت بيعدي لغايت ما العيادة مابقاش فيها مرضى و فضل فيها اللي شغالين معاه وهو كل دا مخليني معاه عشان يعرفني على طبيعة الشغل و أبدا معاه من تاني يوم وكان من أحد تعريفاته ليا على طبيعة الشغل انه دخلني معاه جزء في العيادة مفيهوش حد و بعيد عن الريسيبشن و مكتبه و قعد يفرجني على نظارات نظر و شمس في المكان دا و برضة كان مصر وهو بيفرجني انه يلبسني النظارات بس انا رفضت بعدها لاقيت ايده بتتمد على ايشاربي و بيحسس على شعري من عليه و حجته ان الايشارب ماكنش مظبوط و بيعدلهولي انا لما لاقيت ان الوضع كدامش ظريف و افعاله بدأت تزيد استأذنتة اني اخرج عشان ماشية لاقيته اول ما قلتله كدا بيقفل الباب بتاع الأوضة اللي احنا فيها واللي في اخر العيادة ومعزولة عنها تماما و بيمسكني و بيحاول يحضني وكان رد فعلي اني بحاول ابعده عني بأي طريقة و بقوله عيب كدا ومايصحش وهو مستمر انه بيحاول يحضني و يبوسني و يهمس في وداني احضنيني احضنيني و بوسنيني بقى وللا انتي باردة وماعندكيش احساس انا وانا بكشف عليكي حسيت بنظرة حزن في عنينيكي و حسيت انك عايزة حد يطبطب عليكي و ياخدك في حضنه انا بريحيك و عايزك اي حاجة جواكي تطلع معايا انا اتصدمت بصراحة من الكلام دا و برضة فضلت مصرة على موقفي اني عايزة امشي و مشكلتي البشعة اللي نفسي اتعالج منها اني مش بعرف اصرخ و بحس لما بتحط في موقف صعب و مفاجيء كدا ان لوح تلج نزل علي و عملي freezingحتى اني اصرخ او ازعق انا عارفة ان موقفي دا غلط بس انا فعلا بكتب جالتي دي و املي ان الدكتور اللي ناس كتير اكيد بتروحله وبتتعامل معاه وفاكرين انه انسان محترم يعرفوا حقيقته لأني ماتمناش لأي حد يتعرض لموقف زي اللي انا اتحطيت فيه وانا كدا كمان شرحت الموقف باختصار من غير تفاصيل بس يااااااااااارب الناس اللي حتقرأه تستفيد منه ويكون عبرة وعظة للبني ادم دا لما مرضاه يعرفوا حقيقته
Sorry, you need to be logged in to comment. Log in here.