امبارح فى المترو الساعه 9.5 طبعا مفيش عربيات سيدات غير واحده بس بعد الساعه 9 و كان التكدس فيها رهيب جدا طبعا كل البنات و الستات بتجرى عليها
لما دخلت لقت العربيه فيها رجاله و الستات قالولى معندهومش دم لازم ينزلوافبتكلم مع واحده بتقولى احنا تعبنا من الكلام قالتلى ده من ساعت ما قعد و هوه بيفصص كل واحد بعينه فعليت صوتى بقه يعنى ايه يفضلوا قاعدين ده المترو كله ليهم و احنا عربيه واحده بس جاين كمان يتلزقوا فينا لا خلى عندكوا دم و انزلوا ف الولد ده قالى انا رجلى واجعانى و مش بقدر اقف عليها قولتله رجلك وجعاك يبقى تنزل تركب عربيه التانيه و اقعد فيها قالى مش نازل و اعلى ما ف خيلك اركبيه قلتله لا و الله فى الوقت ده واحده ست كبيره كانت واقفه عند الباب علت صوتها و قالت لا فى قانون يحبسك و يدفعك غرامه و هتنزل غصب عنك و هوقف المترو المحطه اللى جايه لحد ما الامن يجى و ياخدك فخاف و هوه و كل الرجاله نزلت اول ما المترو وقف
مع العلم ان العربيه التانيه سيدات اللى لحد 9 مساء بس كانت كلها رجاله بس مفيش ولا ست فيها
هو احنا هنفضل لحد امتى مش بنخاف غير من الصوت العالى و الفضيحه بس!!!

Express Support

Add Comment View More Reports