كنت ف القطر...وبعدين شوية عيال ف أولى ثانوى...ركبوا معايا....وقعدوا ف الكراسى اللى حوايا...وقعدوا يعاكسونى بكلام مش مباشر...لحد مجم ينزلوا ف محطتهم...فراح واحد مادد ايده ومسك صدرى...ووراه واحد بيحميه...رحت أنا شتمت بس...ممسكتش حد...وكان ف رجالة كتير...محدش اصلا اتكلم...وراح الولد المتحرش...راح الرصيف التانى...وقعد يشتمنى...رحت تانى القطر عشان امسكهم...امناء الشرطة مسكوهم...أمين فيهم قرب منى بطريقة مستفزة وكانه بيقوللى كلام مش عايز حد تانى يسمعه....ولمس صدرى كذا مرة...كانه بالغلط....وانا مرضتش اخد موقف ...كنت خايفة...وحسيت بالندم انى لجأت لأوساخ زى دول عشان يحمونى...وانا خارجة عشان اروح لامين تاتى...جه الامين المتحرش دا...وقاللى "لما تيجى القطر البسى لبس واسع شوية"...فأنا من كتر خوفى من رد فعله اذا عارضته ورديت عليه فقلت "مانا لبسى واسع اهو"...راح قاللى" دا لبس واسع...دا انا عن نفسى سخنت"....انا عملت نفسى مسمعتش حاجة...وبقيت خايفة اقابل الظابط نفسه...وكنت عايزة امشى...الامين التانى كان لحد ما كويس...بس قاللى بلاش محضر مش هتضرى غير نفسك....وودانى للظابط...الظابط قمة الاستفزاز...لما حكيتله...يقوللى "وهما هيعملوا كدا من غير سبب!!"...فقلتله اسألهم هما عن الاسباب بتسألنى أنا ليه؟!!...فراح مزعقللى جامد وقاللى "انا مش بقولك ان انتى بتتبللى عليهم...بس اكيد ف اسباب...زى مثلا عارفينك"....فقلتلله انا معرفش...وقاللى" مضربتهوش ليه لما عمل كدا"...قلتله طلع يجرى...معرفتش اتصرف...المهم دخل الولد....وكله قعد يضحك على شكله....لانه قصير وشكله صغير....راح الظابط يقوله "دا انت لسه هرمونات الذكورة مبانتش عليك ...ولما تعاكس عاكس واحدة ف سنك ..دى بتبصلها ليه؟!...دا دى تشكلك واحدة تتجوزها انت...لا بس انت عندك نظر"....وكله قعد يضحك والموضوع اتقلب كوميدى...حتى الواد بعد مكان خابف ...بقه بيضحك....وصمم انه اسأله سؤال ف الانجليزى بما انى مدرسة انجليزى...واشتركت معاهم ف المسخرة دى بسؤالى للولد....والموضوع بقه قمة الاسفاف...كانى داخلة اهرج...مش ادى لمتحرش درس....طلعت من الموضوع كله ...بتحرش زيادة...وظابط مستفز قاعد يهرج وينكت ومستهتر بيا وبالموضوع!!"....انا لو ف ايدى اسيب البلد دى هسيبها من النهردا...لانه والله مافيه أمل...لما اللى بيحمونا بيتحرشوا بينا...البنات تروح تشتكى لمين!!...