السلام عليكم ورحمة الله وبركاتة
جايز اخد من وقتكم شوية , وجايز تكون الشويه دول علي الفاضي لاني ولد ,, بس الحقيقة انكم محددتوش التحرش لازم يكون للستات عموما او للرجال ,, انا عندي 21 سنة ,, شاب زي اي شاب تعرضت للاغتصاب في عمر 7 سنين من احد اقربائي , كانوا 3 اشخاص , مش عاوز اطول عليكم , انا بعاني من الانحراف الفكري , قصدي يعني اني مش طبيعي , مش بفكر زي الناس ,, مش بعرف احب بنت ,, ونظرا لظروفي المادية معنديش الامكانيه اني اتعالج, لان الموضوع مكلف ,,, بالمناسبه انا اتعرضت للتحرش اكتر من مرة واخر مرة كانت امبارح ,, علي الرغم من ان شكلي عادي جدا زي اي حد كنت في شارع السودان ووقفت تاكس وكنت رايح وسط البلد , فوجئت ان السواق بيتحرش بيا ,, بدأ يتكلم الاول بطريقة غير طبيعيه بعد كده بدا باللمس , وقفته عند حده وهددته انه لو منزلنيش انا هنط ,,, الغريب في الموضوع واللي عاوز اوصلوا لحضارتكم ان الموضوع زاد عن حده وانها وصلت لانهم يتحرشوا حتي بالذكور ,,, صدقوني ياجماعه والله انا شكلي طبيعي جدا زي اي شاب جايز بس لان شكلي اصغر من سني وبيتهيقلهم اني عندي 14 سنة فا ده اللي بيديهم الجراه , الله اعلم \ووو ارجوكم انا فعلا محتاج مساعدتكم لاني حاسس اني بضيع ,, لو في امكانكم تساعدوني وتخلوني طبيعي تاني , ارجوكم ساعدنوي ,, انا عارف الموضوع جايز يكون صعب لاني ولد بس ارجوكم , متشكر اوي