at El-Shaikh Ahmed Ibrahim, Al Matar, Qism El-Nozha, Cairo, Cairo (30.115210 31.338290)
عُذراً على العنوان و لكِن ,, بدون مُقدمات ,,
تم يوم 26\4\2013 تحرير محضر في قِسم النُزهة حوالي الساعة 2 و نُص بواقعة تحرُش بطفلة[[[[[[ بنت بواب ] عندها 8 سنين و المُتحرش هو الـ " الحاج أحمد "
و إللي ميعرفش الحاج أحمد .. أعرفهُ بيه
ده راجل طيب عندهُ 63 سنة ,بجلابية بيضا دايماً و طاقية بيضا و دَقن بيضا و ماشي على عُكاز حديد مُزدوج
عندهُ محِل ف 9 شارع الدكتور علي إبراهيم مصر الجديدة الحي الأول , القاهرة مصر , وياريتتسجلوا العنوان
" عشان لو حَد عاوز يجي يعمل معاه السليمة "
مَحل خردوات و تصوير مُستندات
بيُقف على جبل عرفات كُل سنة و يتكبد عناء و مَشقة السفر
و يرجَع نعملهُ فرح وهُليلة فـِ الشارِع الحاج أحمد رجِع يا ولاد
المُهم بقى إن النهاردة واحدة سِت غريبةعن الشارع سألت عن محل يصور مُستندات فـَ دلوها على مَحل الحاج أحمد
الست دخلت المِحِل على فجأة
لاقيت الحاج أحمد ,, رافع جلابيتهُ البيضا ,, و قُدامهُ البنت الصُغيرة و رافعة الفُستان اللي لابساه
الست طبعاً إتسرعت من المنظر
و قالتلها تعالي هِنا بتعملي إيه ,, البنت عيطت و قالتلها واللهي يا طنت هوَ إلليقالي أعمل كده
قالتلها روحي حالاً هاتي بابا أو ماما و تعالي
و طبعاً صوت السِت كان عالي
فـَ الشارع كلهُ إتلَم على الشيخ أحمد و على الكلام إللي الست كانت بتقولهولهُ
الست من ذهولها كانت بتعيط , لدرجة ان الناس فـِ الأول إفتكروا إن الـ [ شيخ ] لاسَمح الله طلِع منهُ شئ مش ولابُد ضايق المدام
أبو البنت جه , و طبعاً متفاهِمش ,, خلى وِش الشيخ شوارع بصراحة
بين لا حول ولا قوة إلا بالله , و إزاي بَس يا جدعان
ده الشيخ أحمد راجل حاجج بيت الله و بتاع ربونا
شوف يا أخي أهيه الدقون
و لالالا أكيد فيه حاجة غلَط
المُهم بين هذا و ذاك كان أبو البنت و الست الشاهدة على الواقعة , راحوا قِسم النُزهة حرروا محضر بالواقعة
و السِت شَهَدِت و جه بوكس الشُرطة أخد الشيخ
بعُكازهُ
وجلابيتهُ البيضا و طاقيتهُ البيضا , ودقنهُ !
البنت الصُغيرة مكانتش بتعيط , بس لون وشها كان مقارِب للأصفر الفاتح ,, و كُل جُزء من جسمها بيترعِش بشكل غير طبيعي
شوية و الشيخ رجِع , فتَح مَحلهُ و قعَد , و كإن شيئاً لم يكُن اللي يضَحَك بقى فـ الموضوع إن من حوالي شهرين كده اخويا الصُغير جه يقولي ,," وِزة عاوز أقولِك حاجة " ,,مُصطفى أخوا معَوَض [ ده إبن بواب برضهُ ] جه قالي ان الشيخ أحمد عمل فيه حاجات وِحشة ,, قولتلهُ شتمهُ يعني !؟ قالي لأ حاجات عيب يعني و وِشهُ إحمَر
مقولكوش عملت إيه ف أخويا طبعاً وقولتله ده ولد قليل الأدب و متتكلمش معاه تاني
و معَرفش ليه الشيخ مرَكِز مع ولاد البوابين ,, اللي سنهُم من 5 ل 8 سنين و صُبيان وبنات و عادي هو مبيدققش يعني
كُنت بثق فيه و بحترمهُ
بس المرة دي واقعة و محضَر و شهود
يا خُسارة ثقة الشارع كلهُ فيك يا شيخ أحمد
يا خُسارة بوستر الرئيس اللي مغطى نُص الفاترينة يا شيخ أحمد
يا خُسارة عُليقة الحُرية و العدالة اللي ف عربيتَك يا شيخ أحمد
\
ملحوظة ,, أول ما أذان المَغرِب أذِن .. الشيخ إتعكز عـَ عُكازهُ وراح الجامع الليجنبنا يصلي
و الملحوظة رقم إتنين إني وانا بكتب النوت دي جه فـ دماغي البلكيمي و علي ونيس ومؤخراً وزير الإعلام
و ما خفيَ كان أعظم
حسبي الله ونعم الوكيل فيك يا شيخ أحمد و فـ أمثالَك
\
أمانة عليكُم شير في كُل مكان عشان الراجل من بجاحتهُ كان بيقول كُل ده عشان حتة عيلة !!
ومن بجاحتهُ اكتر جه النهاردة وفتَح المحِل و عادي
Sorry, you need to be logged in to comment. Log in here.