at No Address, البصارطه, دمياط (31.381210 31.802170)
أنا بنت محجبة و الحمد لله و لبسى لايميل إلى الضيق أو الشفافيه و فى مرة كنت ماشية فى شارع وفجأه ظهر ورايا واحد بعجله ضربنى على صدرى و طلع يجرى
معرفتش أصرخ و لا اجرى وراه ولا أستنجد بحد لان الشارع زى مايكون الناس اللى فيه ماتوا و لما حصل دة لقيت الناس ظهروا تانى
هقول ايه او هصرخ حد هيعمل حاجة ولا لأ فسكت
آدى مرى فى مرة تانيه بقىحصلى حاجة أبشع من كدا
بعد المرة اللى فاتت دى بقيت بمشى باصه يمينى و شمالى ومستعدة لأى حد يعتدى عليا
شايلة مقص فى جيبى او مفتاح فى ايدى أو عاملة استعداد انى اجرى وراه أو أزؤه لو راكب على حاجة ممكن تقع بيه
بعد 4 سنين من الموضوع دة تقريبا كنت راجعة من كليتى و ماكانش فيه مواصلات وقفت مع الناس اللى واقفةو لما عربية جت رحت أركب ف الناس اتزاحموا و معظمهم بقوا ورايا و فجأه و انا واقفة لقيت حد بيمد صباعه فى مؤخرتى فخرجت من وسط الزحمة وحرمت انى أقف فى زحمة تانى
Sorry, you need to be logged in to comment. Log in here.