at October 6 University - 6th of October Campus, Giza, Giza (30.004360 30.982210)
أنا طالبة في كلية الطب، كورساتي بتخلص الساعة 8 بالليل، محجبة وبراعي لبسي جداً و أنا راجعة من الكورس 3 أولاد اعمارهم بين 12 - 15 سنة كانوا ماشين وواحد منهم مد إيدو يلمسني مع العلم إني كنت لابسة جاكت وكنا في الشتا،
أنا اتصدمت جداً واتعصبت جداً وطلعت أجري وراه بس هوه سبقني وكل اللي في الشارع محدش حاول يعمل حاجة بس مسكت واحد من صحابه التانين وقالوا انهم ميعرفهوش، وان هوه معاهم في الكورس وادوني اسم السنتر والاستاذ بتاعهم، قلت لأخويا فوراً وراح يدور على السنتر واخدني تاني يوم علشان اشوف الولد، وشفتو ، قام الأستاذ دافع عنو وطلعني انا الغلطانة وان الاستاذ ابن استاذه زميلتو وان مستحيل يعمل كده وان انا ملخبطة، مع ان الولد كان خايف جدا مني خصوصا اخويا كان جايب أصحابه، وخلانا الأستاذ نمشي من غير أي حاجة، أنا قلت كفاية انو خاف مني
أنا عارفه ان في حاجات اسوأمن كده بكتير بس ده بالنسبالي طفل حاول يلمس واحده زي اختو الكبيرة ، أومال لو كبير هيعمل ايه ؟؟؟؟
Sorry, you need to be logged in to comment. Log in here.