أحتاج للمساعد جدا. أنا طالبة في السنة الثالثة كلية تربية- نزلت في صيدلية هذه الفترة للعمل عشان أساعد نفسي وماما على المصاريف) صاحب الصيدلية تحرش بية إمبارح. أمي وإخواتي طلبوا مني أحكي الي حصل. وأنا مش عايزة أفتكر الي حصل. المهم الراجل ده طلب مني إني أدخل طلبية أدوية في غرفة صغيرة مخصصة لاعطاء الحقن. ولحقني وكتفني بإيده جامد أوي من الخلف، ولمس صدري وفضل يحسس علية، أنا صغيرة بالنسبة لجسمه .وحاولت مقاومته، لكن هو كان ماسكني جامد. حاولت أصرخ ، هددني لو فتحت بقي هيفضحني. ويقول علية كلام وحش. وأنا بحاول أفلت منه ومش عارفة. كان جنبي رف عليه أدوية خدت إزازة دواء وضربته بها في أورته، إيده فلتت شوية من علية فطلعت جري وهربت منه.
طلعت جري على البيت وأنا برتعش من الخوف وجسمي تلج وبعيط كل ماافتكر انه لمس جسدي وكتفني وكان ممكن يعمل إيه تاني فية!!
إلحقوني. أنا واخواتي خائفين ننزل من البيت،
أنا بعيط كتير أوي وخايفة جدا.
والله أنا مش وحشة. ليه عمل معايا كده.


(سلسبيل)

3 expressions of support.

Express Support

Add Comment View More Reports